Mayor Ronnel Reports His First 100 Days

photo courtesy of Edwin Espejo

photo courtesy of Edwin Espejo

I am posting verbatim the Accomplishment Report of Gensan Mayor Ronnel Rivera covering his first 100 days as chief executive.  After reading his entire speech, I am making my personal commitment to do my share in ensuring that Gensan will be on TOP of the heap in the next three years (and more!)  As a true-blue Gensan resident, I wish Mayor Ronnel a humble heart and a steady grasp on reality.  It’s going to be a tough ride, Mayor Ronnel but it will surely be worth it.  Godspeed!

-ooOoo-

Daghang salamat!  Duha ka semana na ang nakalabay akong nasayran ang istorya ni Emily, 26 anyos, inahan sa tulo ka mga gagmay’ng bata.  Buntis si Emily sa dihang napreso siya sulod sa walo ka tuig, nabilin ang iyang mga anak nga nag-edad pa lang ug onse, nuebe ug siete anyos sa iyang inahan.

Ang kaso ni Emily may silot nga upat hangtud sa lima ka tuig, apan 8 years siyang napreso kay natulog ang iyang kaso.  Nawad-an ug katungod si Emily isip tawo ug inahan, apan tungod sa intervention sa inyong lokal  nga gobyerno  pinaagi sa  atong  Enhanced Justice  on  Wheels  o  EJOWs,  nahibalik  si Emily sa iyang pamilya.

Karong adlawa kauban nato si Emily ug iyang mga anak.  Sa dihang nasayran nako ang  istorya  ni Emily,  naka-amgo  ko  nga ang aksyon  sa  usa ka public servant, krusyal ug dako ug epekto sa kinabuhi sa katawhan.

Kabalo ko nga daghan pa ang sama kang Emily nga mga biktima usab sa langay nga justice system.  Dili  paigo  nga  mapagawas  lang  nato  sila  sa  presuhan,  kinahanglan  usab  nato protektahan ang kaugmaon sa ilang mga anak.

ronnel13

Ang istorya ni Emily usa lang sa daghang mga hagit ug tahas nga kinahanglan buhaton ug tutukan sa akong administrasyon.

Kung tan-awon, gwapo ang GenSan sa mga pictures, mga post sa Facebook, sa Twitter, sa naglain-lain pang social media or audio visual presentation.  Apan luyo niini, daghan pa kaayo ang mga problema nga nagkinahanglan ug kongkretong aksyon sa lokal nga pangamhanan.  Pero  akong  nahinumduman  ang  giingon  kanako   sa  akong  ginikanan,   “problems  are challenges waiting for solutions.”

Ang 100 days kuhaan ug oras sa pagtulog, pagkaon, pagligo, biyahe og uban pa, kulang ni nga panahon aron sulbaron permanently ang mga problema sa siyudad.  The question remains, “asa ta magsugod sa pagbag-o? Ang akong tubag, ilatag ang lig-ong pundasyon ug klarong direksyon. Kanang pagbag-o nga makita, mabatyagan ug mapuslan sa tanan, pagbag-o nga dili mabaw, dili ra kutob sa sulti ug papogi points lang. 

Mao kana ang akong gisiguro sa akong unang usa ka gatus ka adlaw isip mayor sa atong minahal nga dakbayan.

Sulod sa 100 days, gimugna nato ang usa ka developmental strategy for us to focus on our objectives. We named it C.L.E.A.N. Gensan, which means, “Creating a Liveable Environment for All Generals, towards Nation building.

Ang  CLEAN  GenSan ang  katumanan  sa  akong  damgo  ug  pangandoy nga  bag-uhon ang GenSan alang sa kaayuhan sa tanan. Damgo ug pangandoy nga nanukad sa akong nakit-an ug napaminawan gikan kaninyo nga akong mga igsuon. Kini nga developmental strategy nalakip sa atong Executive Legislative Agenda o ELA. Ang ELA usa ka pamatuod nga ang inyong Mayor ug ang Sangguniang Panglungsod nagkahi-usa sa pagmugna ug direksyon sa syudad alang sa musunod nga katuigan.

ronnel3

As a developmental Strategy CLEAN Gensan means:

  • Good governance
  1. gihimong parte ang partisipasyon sa katawhan
  2. integridad
  3. transparency
  4. accountability
  5. ug God-centeredness sa city government
  • Malambuong  ekonomiya  nga  naga-promote  ug  mga  investments  positioning  sa Gensan isip Agro-Industrial hub ug dili lang Tuna Capital of the Philippines.
  • Partnership,  synergy  sa  managlahing  mandato  sa  matag  departamento  sa  City Government sa Sangguniang Panglunsod, National Agencies ug sa Private Sector.

Ang ELA ang mamahimong operational plan sa siyudad ang giya sa executive ug legislative dinhi  atong  masiguro  nga usa  ra  ka  dalan  ang atong  ginalaktan  padulong sa  usa  ra  ka tumong.  Kini ang labing unang tinuod nga ELA sulod sa 27 ka tuig, kung asa napalingkod nato ang executive  ug  lehislatura  sa  paglatag  ug  pundasyon  sa  pagplano  nga  dunay  usa  ra  ka direksyon.

Kay regardless of political affiliation, bisan unsa o asa kang partido gikan, kung pabor ka sa kaayuhan, kauban ka sa CLEAN Gensan.

Sa unang usa ka gatus ka adlaw:

ronnel9

1.   We strengthened our team at City Hall by developing synergy, and empowering our Department Heads.

  • Nagpahigayon ta ug mga aktibidades nga nagpakusog sa team work ug panaghiusa sa mga departamento sama sa Bugsay GenSan,   team Building Activities ug ang bag-uhay   lamang nahuman nga Family Day.
  • Wala  tay gitangtang nga  bisan usa  ka mga  kanhing city  executive o  department head, instead nga pulihan nato sila  ug  mag-train napod ug bag-ong mga  city  executives,  in  its place we created the ManCom or Management Committee Meetings sa matag semana.  Gihimo  nato  ni tungod kinahanglang adunay usa ra ka direksyon  sulod sa  city  hall.  This way, we empowered our department heads and at the same time broaden accountability.

2.   We also  established baselines  for our services  and we  established guidelines  and directions for the years to come.

  • Ang atong mga inisyatibo sa musunod nga mga adlaw, magbase na sa aktwal nga datus aron naay basehan kung kinsa,  asang dapita ug unsa ang gikinahanglan nga serbisyo  sa atong katawhan. Nangita ta ug baseline data, aron ang decision-making sa inyong gobyerno dili manukad sa mata-mata o bana- bana lang. Dili na nato pilion ang atong serbisyohan, gitangtang na nato ang kultura sa serbisyong pabor sa political loyalty, tungod ang gusto nako mahitabo, ihatag sa katawhan ang para sa katawhan.
  • Nangayo usab kita ug tabang sa French Development Agencies alang sa atong Geo-Hazard mapping. Permanenteng solusyon ug dili band-aid type nga hinabang ang gikinahanglan sa atong mga igsoon nga sagad mabiktima sa kalamidad. Gikan sa ilang datus may basehanan na kita sa atong ihatag nga intervention ug makahimo na kita ug eksakto ug permanenteng plano, base sa atong updated Geo – Hazard Map.
  • Niadtong  panahon sa  kampanya daghan kayo  ko  nasayran nga  problema hilabihan ang reklamo sa transport sector sa syudad ug sa dihang nakalingkod na ko isip inyong mayor, nangayo  dayon  ko   ug  tabang  sa  League  of   Cities   alang  sa  pagtuon  sa  traffic  and transportation  sa  siyudad  nga  magamit  natong  datos  sa  pagmugna  ug  comprehensive transportation scheme.

And today, I am happy to announce nga ang pagpili sa kwalipakadong drayber o franchise holders itugyan nako ngadto sa atong Bise Mayor ug sa konseho sa dakbayan. Gibalhin nato ang gahum tungod mao gayud kana ang nakalatid sa balaud.

  • Sa  unang 100 days  nagmugna kita  ug  Education  Summit  aron  ang atong  programa  sa edukasyon muha-om sa needs. Nagmugna ta ug usa ka dibisyon sa Office of the City Mayor nga gitawag naku ug AKLAT, o Alay sa Kabataan Lahat ng Alaga at Talino aron manguna sa atong education program together with the Department of Education kauban pa ang mga ahensya nga mututok sa programang pang-edukasyon.
  • Nagpasi-ugda  kita  ug  Economic  Summit  aron  atong  madungog  ang  tingog  sektor  sa negosyo  ug panalapi.  Katimbang nato sila  sa paghimo  ug programa nga makapalig-on sa ekonomiya sa siyudad.

Together, we will make Gensan more than just the Tuna Capital of the Philippines.

ronnel1

3.  We started building and establishing partnerships and opened City  Hall  to  the people, investors and visitors.

  • Nangita kita ug mga investors nga andam mububo sa ilang puhunan sa siyudad, We are campaigning towards a healthy business environment aron daghan pa ang mamugna nga trabaho ug kapanginabuhian.
  • Sama  sa  Nestle  Philippines  nga  nakatakdang  mutukod  ug  50  hectares  nga  Coffee plantation sa atong siyudad nga makatabang ug dako sa ang atong mga mag-uuma.
  • Naa usab kitay P1 Billion Project nga Oil Depot sa Bawing nga ugaling mahimong fully-operational  maka-panaug sa  presyo  sa  lana  sa siyudad tungod dili  na nato  kinahanglan ibiyahe ang maong mga produkto gikan sa Davao o sa lain pang siyudad.
  • Ug sa labing unang higayon, napasar na sa Sangguniang Panlungsod ang ordinansa alang sa atong housing board. Dako kining tabang sa paghatag ug sulbad sa hisgutanang pinuy-anan. Aron kining mga housing developers sama sa Robinsons Land 20% percent gikan sa kinatibuk-ang kantidad sa ilang proyekto ang mahatag sa dakbayan ug magamit    alang sa socialized housing nga nakalatid sa Urban Development Housing Act.

Lima  ka  tuig  na  kining  ginapa-implementar sa  national  government,  apan tungod  wala gimugna, wala usab naka-benipisyo ang atong mga informal settlers. Alang sa inyong kasayuran, 8 years na nga wala makahatag ug relocation site sa katawhan sa GenSan ang lokal nga pangamhanan. Pero karon, may area na gyud nga kabalhinan ang pipila nato ka mga igsuon.

4.   We had also laid down the foundation of our initial interventions.

  • Takdang ipang apud-apud ang 40 hectares nga yuta alang sa mga residente nga nagpuyo sa  mga danger zones  sa  syudad. Mga informal  settlers,  nga na-identify pinaagi sa  house tagging nga anaa nagpuyo sa danger zones. Kasagaran kanila  anaa  dapit  sa  mga  riverbanks  sa  Dadiangas  West.  Malipayon  ko  nga ibalita kaninyo nga more or less 1,    818 families ang mamahimong beneficiaries sa atong proyekto.
  • Padulong na usab kita sa pag – amyenda sa atong Land Use Plan. More than 10 years na kini gikan siya nahimo ug dapat na kining repasuhon subay sa mando sa balaud      tungod dili na niini matubag ang gi-kina-hanglan sa siyudad.  Aron klaro kanato ang mga regolasyon sa pagamit sa yuta alang sa paglambo sa syudad ug at the same time ibalanse pod nato nga dili madaot ang atong kinaiyahan.
  • Ato  napud gipaabot  ang  pagmugna sa  Urban Development  Council  nga  mamahimong partner sa City Development Council sa pagplano sa mga kabag-uhan sa siyudad.
  • Ang  ako  mismong  pamilya  pinaagi  sa  RD  Foundation  kauban ang  atong  kaigsoonang Persons with Disabilities magdonate ug 5,000 arm chairs aron pun-an ang 14,570 ka arm chairs nga gikinahanglan sa mga eskwelahan sa siyudad.

ronnel2
Para sa  atong  sa  atong  mga eskwelahan,  dugang nga 6  ka classrooms  gikan  sa  Chinese Chamber of Commerce.

Ang resolusyon para sa pagtukod sa University of Sto. Tomas ang suportado usab sa inyong kasamtangang administrasyon. I envision the UST-General Santos City to further move us towards the quality education that the residents of this city deserve.

  • Ug sa atong mga magtutudlo, mipirma na ang local government of GenSan uban ang City Hospital;  kauban ang  mukabat sa  2000 ka  mga  miyembro  sa Gen.  Santos  City  Teachers Multi-Purpose Cooperative aron pwede na makapa-tambal ang atong mga magtutudlo nga walay ipagawas nga kwarta tungod abagahon na man sa ilang kooperatiba.
  • Ug  sa  atong hospital,  nagmando na  kita  ug  financial  systems  and process  audit.  Atong isunod niini  ang City Health Office.  Sa ingon  niining paagiha, sigurado ta  nga ang Health Investments sa syudad ensakto ug makaabot sa mga tawo.
  • Ako  na usab personal  nga  giaprubahan ang executive  order nga  himuong pareho ang standard sa  paghatag ug  health services  alang  sa  maternal  and  child  health  sa  tanang hospital, barangay health center ug tanang health facilities sa dakbayan.
  • Naka-andam na usab ang ordinansa alang sa atong Muslim public cemetery, parte kini sa executive and legislative agenda, once fully approved this will be the first LGU-sponsored Muslim cemetery in SoCSarGen and God willing, paabton nato ni ug more or less 5 hectares, making  it  one  of  the  country’s  biggest  public  cemeteries  for  our  Muslim  brothers  and sisters.
  • Naghimo usab kita ug Integrated Barangay Affairs Division under the City Mayor’s Office aron mututok  sa  pangi-nahang-lanon sa barangay ug mupadako pa  sa atong Barangayan initiatives.
  • Makig-alayon kita sa atong mga silingang nasud sa Asya sama sa Indonesiaug uban pang nasud nga miyembro sa  Association of Southeast Asian Nations (ASEAN)    aron maandam ang syudad sa pagdako sa atong export industry.

5.   We strengthened our peace and security programs.

  • Magpahigayon kita ug peace summit karong semanaha.
  • Aduna na usab kitay bag-ong kita Disaster Risk Reduction and Management Office, bag-ong ambulansiyaug gihikay na usab ang atong Hotline Number alang sa atong city rescue units. Kini nahimo nato tungod sa pakig-alayon sa mga Telecommuncation Companies in establishing   our   emergency   response   system   for   disasters,   accidents,   and   security concerns.
  • Gi-andam na usab nato ang Memorandum of Agreement tali sa lokal nga pangamhanan ug Brigada Mass Media Corporation aron magamit nato ang ilang eye-in-the-sky o CCTV alang sa pagbantay sa kahapsay ug kalinaw.

Kini  parte lamang sa  atong  planong pagbutang ug  mga camera  palibot  sa  siyudad aron mabantayan ang seguridad sa katawhan.

This current administration is anchored upon a principle that the solutions to the problems that we are facing today will lay the strong foundation for a better Gen. Santos. Hunahuna-a lang mga pinalanggang igsuon kung kining tanan atong nahimo sulod lamang sa usa ka gatus ka adlaw, unsa pa kaha kadako ang kaya natong kab-oton sa musunod nga mil nuebe sientos singko diyas o tulo ka tuig?

ronnel15

Sa pagkatinuod, we could have done more than these had it not been for some major issues that we had to address before we could even work.

Example:

  1. Dili  konektado  sa  usa  ka  sistema  ang  atong  mga  opisina,   hilabina  sa  budget, accounting,   assessor,   land  tax ug  treasury;  hinungdan  nga  ang  transaksyon  sa business  permits  ug  uban pang  permiso  ug  lisensya,  manual pa  gihapon  ug  dili computerised.
  2. Kulang ang atong  mga  equipment sa  engineering, daghan ang  guba ug dugay na naka-standby. Hinungdan nga ang serbisyo sa mga barangay hilabina sa panahon sa kalamidad kulang.
  3. Daghang proyekto  o  programa nga nindot lang sa  pangalan. Apan akong nakit-an nga katag ang mga datos nga ginagamit sa implementasyon. Ang resulta, limitadong ihap ra sa katawhan ang maabot sa serbisyo.

Pero dili ta mangita ug mga tawo nga mabasol niini. Dili nato ni himuon nga babag, kay sa dihang  nanumpa ko  sa  katungdanan, klaro  kanako  ang  akong  misyon.  Muhatag ko  ug solosyon ug dili kay mga palusot sa matag problema nga akong sagubangon.

In fact  sa sulod  sa atong  City  Hall,  under bidding na ang computer project  systems  nga mukabat sa kapin 32 Million. Lauman nato nga sa sunod nga quarter sa 2014, automated ug konektado  na ang mga  opisina  hilabi na ang atong business ug building permit  division.  Mas-paspas  nga transaksyon,  likay  sa  daya  ug  under-the-table, mas-klarong  sistema  sa pagpanerbisyo.

Garbo nako karon ang mutindog sa inyong atubangan ug masulti kung unsa ang atong mga nasugdan.

ronnel14

Dili  ko  pwede  magtapos  sa  akong  100  days  report  nga  dili  hisgutan  ang  problema  sa elektrisidad. Bakakon kong dako kung dili nako angkunon nga ako mismo, sama kaninyo naga-antos sa problema nato sa kuryente. Isip amahan sa siyudad, mangayo ko ug pasaylo ninyo tanan sa kalisud nga inyong naagihan tungod aning brownout.

First and foremost as an ordinary person, as a private citizen, gibati jud nako ang kalisud; and as a government official, labi na tong panahon nga konsehal pa lang ko akong gipangita unsa’y akong mahimo aron mahimong parte sa solusyon sa problema sa kuryente?

Simple ra man unta ang approach niini, sa hisgutanan sa kuryente, either you are part of the solution or you are part of the problem.  Nag-decide ko, I will be a part of the solution ug dili nako basulon ang South Cotabato II Electric  Cooperative  (SOCOTECO II)  Management tungod  kay  nakit-an  nako  nga  naga-trabaho man sila aron masulbad ang problema luyo sa mga kakulangon.

Dili pud nako ni ipasa sa national government kay ako ang naa diri sa ground level, so ako ang dapat manguna sa pagpangita ug pangmatagalang solosyon sa problema.  So what I did we organized regular conferences with SOCOTECO II, so to fully understand the power situation specifically in GenSan. We formed the Power Technical Working Group and the Power Board along with the Sanguniang Panlungsod aron aduna tay point persons nga nakatutok sa krisis sa kuryente.

Discounting the incident last week kay di man gyud nato ma-control kay nadaut man jud ang transmission tower nato sa Kabacan, pero other than that, we cannot deny the fact that the power situation within the first 100 days in my office is much better than what we had in the past.

We got rid of the bickering and the blaming and the posturing and worked hand in hand with SOCOTECO II. Wala nato sila gitrato as kontra o punching bag; o labayanan sa basol.  Rather, we considered them as allies and partners and now there is synergy between the local government and the local power distributors; and generally it is much better para sa tanan.  In this regard, I am respectfully requesting our partners in the power distribution industry that in the future, hatagi mi ninyo ug klaro ug regular nga power bulletin if ever we will be expecting brownouts para dili pud makuratan ang katawhan.

Pipila palang kini sa atong mga nahimo tungod sa kooperasyon ug pagtinabangay.  Hatagan usab nato ug kredito ang atong Sangguniang Panlungsod nga nakapanday na ug mga balaod nga importante alang sa paglatag nato ug pundasyon sa tinuod nga kalambuan.

ronnel100th

Akong mga igsuon, dili ko buot nga inyo unya akong singlon nga nagsige lang ug istorya apan walay buhat.  Akong i-presenta ang akong team of executives.  These are the people that I  picked nga mutabang kanato  sa  pagdumala sa siyudad aron mahimong tinuod ang atong damgo nga bag-ong GenSan. There is a saying that goes, “if you want to walk quick, walk alone, but if you want to walk far, walk together.”

Kuyog ang atong mga city executives, kuyog kamo, magkuyog tang tanan sa usa ka bag-ong Gensan.

Kung atong  balikan ang  milabay nga  eleksyon  kung  asa  gitugyan nila  kanako  ang ilang bililhong boto usa ka butang ang misantop sa akong hunahuna ug hangtud sa hangtud ako kining hinumduman.  Inyo  kong  giboto,  inyo  kong  gipili,  tungod kay  gisalig  ninyo  kanako  ang  kaugmaon  sa inyong mga anak.  Busa karon, sultihan ko kamo, dili ko mutalikod o mu-atras sa responsiblidad nga gisangon ninyo kanako.

Daghan kaayong salamat sa chance ug priviledge nga maserbisyohan ko kamo!

Ako si Ronnel C. Rivera, ang inyong sulogoon.  Maayong buntag!

RCR 100 days

Related Posts with Thumbnails

3 comments

  1. Gikan ko sa overnight duty wala pakoy tulog akung gi abrihan ang akung fb nga may nag post about 100 days sa atung pinalanggang mayor, katulgon na kaayo ko apan sa akung pag basa di ko na namalayan nakalahati ko na pala it’s because of the very interesting message gitapos nako ug basa. Good Job Sir Mabuhay Generals sa atung Mayor… All the best.

Leave a Reply

Your email address will not be published. Required fields are marked *

Are you smarter than a 5th grader? *
Time limit is exhausted. Please reload CAPTCHA.

CommentLuv badge