The Wedding In My Mind

oomninong

Ayaw na ayaw kong pumunta ng kasal.  Hindi ako nagpapaka-bitter ah.  Tanggap ko na hindi kailanman ako magiging bride or groom for that matter.  Maraming rason kaya ayokong umatend.  At kung umaatend man ako then malalim talaga ang pinagsamahan namin ng kung sino man ang ikinasal.  Heto ang mga pet peeves ko tuwing may kasal akong inaatenan…

  1. Regalo. Hindi sa ayaw kong mag-regalo.  Ayoko ang effort na maghanap ng ipanreregalo.  Eh kasi naman hindi uso dito sa Gensan ang Wedding Registry wherein soon-to-be-wed couples can make arrangements with Department Stores or Gift Shops and list down their favored gifts.  At least kung meron nyan, pipili ka na lang from among the list na afford mo.  I hate shopping for wedding gifts kasi minsan nadodoble na ang klase ng regalo.  Just imagine getting the same set of PUNCH BOWL five times.  So now I prefer giving cash than buying a gift.
  2. Pre-Nuptial Photo-shoot. Errr… tigilan na ako ng mga beach themed and bukid-themed pre-nup shots ha.  Paulit ulit na lang.  Kamahal-mahal ng sinisingil eh wala namang bagong pinakita.  Use your imagination, photographers.  Kahit sa palengke ang venue pero magaling naman ang pagkakakuha, winner na yan.  Kaya please lang spare us with your paulit-ulit na themes.
  3. Themed Weddings. I miss wedding occasions na walang theme-theme na yan.  Kung dati eh pwede ka nang pumunta in simple formal wear, ngayon may kung anik-anik na kaekekan na dapat ganito ang color motiff or dapat naka-tuxedo or coat and tie.  Hello?  Hindi naman ako ang ikakasal ano!  For me, tama na yung pormal ang suot mo at hindi bastusin.  Kaya tuloy minsan madaming di umaatend dahil walang ipambili ng ipambabagay sa theme ng weddings.
  4. Intrusive Videographers and Photographers. Importante na ma-document ang kasal – aminado ako dyan.  Pero minsan uber-uber na ang mga nagdo-document.  Nasisira ang solemnity ng wedding ceremony lalo na’t pinaaandar na ang camera lights for the video (especially dun sa I DO moments!).  Tapos halos ilapit na sa mukha ng mga ikinakasal ang video cam.  They should get really high-tech gadgets para kahit from afar eh kuhang kuha pa rin ang moments during the ceremony.  There was one time na binawalan talaga ng pari ang mga videographers to stop what they’re doing!  Buti nga sa kanila.
  5. Mga Kaartehan ng Wedding Coordinator. I also have nothing against wedding planners.  I salute them for their expertise.  Pero minsan talagang over-acting na ang mga pinagagawa nila.  Stick to the basics.  And keep it short, stupid.  Matagal na nga ang misa tapos patatagalin pa sa kung anik-anik ng kaechosan sa wedding banquet.  Hello?  Pwede namang maging memorable ang weddings and not result to gimmicks like fire-dancers at pagkadami-daming speeches.
  6. Chocolate Fountains. Please lang.  Kung sinuman ang nagka-ideya na maglagay ng chocolate fountain sa wedding banquet eh dapat ibitin ng patiwarik.  Formal nga eh – messy po yan!  Hindi bagay sa event.  Pang-children’s party po yan.  Hay naku!  Kakairita.  Tapos ang mga dala-dalang bata ng mga bisita ang magpipista at magkakagulo around it!  Oh my!
  7. Weddings Are Adult Affairs. Kung kelangang magdala ng bata then control your children.  May mga weddings akong naatenan na may separate room for kids – kasama na dito yung mga ring, coin and bible bearers and flower girls.  Iba ang putahe nila – pambata talaga.  This might be too costly for most kaya importante na lang na hindi nagwawala ang mga bata during the wedding banquet.  Or ganito na lang:  Iwan na ang mga bata sa bahay and just enjoy the wedding.
  8. All Ye Single Individuals Out There Moment. Nung di pa ako out — asar talaga ako each time na pinapasali ako sa sasalo ng garter ng bride.  Ewwww…. so plastic…. so tupperware…. so kadiri.  Pinanindigan kong sumali with the rest of the single guys and am sure pinagpipyestahan ako ng mga nanonood at sinasabing BAYOT ako.  Hehehehe… never again.  There was one time na sumali ako sa mga Single Ladies na makiagaw ng bouquet ng bride!  Hahahaha nawindang silang lahat.  Seriously, wala sana dapat pilitan.  Kung gustong sumali, fine.  Kung ayaw, wag pilitin at lalo nyo lang pinangangalandakan ang malungkot na buhay ng mga single.
  9. OA na emcee. Mahirap maging emcee.  That’s why when you’re chosen to be one dapat pinaghahandaan mo yan.  Hindi yung aarangkada ka na lang at wala ka naman sense magsalita.  At dahil ikaw ang emcee, sayong mga kamay nakasalalay ang enjoyment ng tao kaya’t wag kang OA at umayos ka.  Keep the flow smooth.  Tigilan ang uber uber na parte.  Responsibilidad mo yan and you should tell the wedding coordinator how you feel about certain aspects of the program na sa tingin mo dapat ayusin.
  10. Long Speeches. Paalala lang po.  Hindi nyo moment ito.  Araw ng mga bagong kasal ito kaya tigilan na ang pagkahaba-habang advices kuningning.  Keep it short and direct to the point.
  11. Palpak na Video Presentation. Sana man lang sinubukan muna before the event.  Ayan tuloy naburyong ang mga bisita sa kakahintay ng di naman kagandahang palabas.  Let the professionals do it.  At least seamless and maganda ang pagkakagawa at hindi kung anik-anik na lang ang pinapalabas.

Habang binabasa ko uli ito naramdaman ko ang bitterness ko! Hahahahaha!  Char lang.  Ang gastos kayang magpakasal kaya’t dapat lang enjoy enjoy lang para di ma-stress.  Am sure after you have read this, hindi nyo na ako iimbitahin sa kasal nyo! Hahahahaha!

Related Posts with Thumbnails